شرط اساسى لدخول الموضوع يكون عند حضرتك مخ !!!!!!!!!!!!!!!!!

السـلام عليكـم ورحمــة الله

لغاية امتى يا جماعة الخير هنكون فى غيبوبة ؟
امتى نفوق ونبقى آدميين ؟
والله من زحمة دماغى مش عارف ابدأ الموضوع ازاى
فخلونى اتكلم وياريت تقروا الموضوع حتى وان كان تافة

يا شباب كرامة الانسان مش موجودة فى مركز تجارى او عند البقال وبتاع الخردوات والخضار
عارف ان فيه ناس هتعتبرنى بلدى لانى مقلتش مول او سنتر او سوبر ماركت
يلا ما علينا ماهو البلدى يوكل برده واى حاجة بلدى بيكون لها مذاقها الخاص وبعتز بيها بطريقة مختلفة عن باقى الاصناف التانية

لكن اى بلدى وهو فين البلدى اصلا ؟
اذا كانت موضة الشواذ فى اوروبا بقت هيا موضة الشباب الروش فى مصر
ومش عارف موضة البنات ايه الايام دى
بعد التحجيبة اللى كان ظاهر من آخرها عظمة الترقوه وطبعا لابسة توينز وبنطلون ومحجبة
يلا خير ان شاء الله
انا هتكلم بفضفضة لان عارف ان اللى هيصبر على الموضوع انسان عاقل
اما امشى فى الشارع وحزام بنطلونى مش ناقصة غير حاجة واحدة
ان سعيد ارابيسك يمشى ورايا بالطبلة
وطبعا المشجر باين
الحمد لله انها جات على الشباب بس وربنا يستر احسن البنات تعملها هى كمان
يعنى اذا كانت اختنا المسلمة المتحجة مش عارفة انها لما تلبس بنطلون دا كفاية
واللى مش عارف يعنى ايه كفاية انا اقولكم
كفاية عليك تلبسى بنطلون ومش لازم الحزام يكون نازل زى عم الروش
لان باختصار لبسك للبنطلون من رايى الشخصى كانك مش لابسة حاجة
وكله هيتساوى فى الطراوة
يلا حصل خير
الموبايلات رخصت ياشباب
بتمن 30ك بصل تقدر تروح تجيب موبايل من شارع شاكور
والخطوط ببلاش والكل عارف
الحق بقى اخترع طرق مبتكرة عشان البنات الروشة فى المجمع تعرف رقمك
ولا بلاش هيا هتيجى تاخد منك الرقم لو حدها
جت سليمة وربنا يسترها على طول

الروشنة دى شىء جميل انا لغاية دلوقتى مش عارف معنى الكلمة
روش طحن عجن خبز
زمان كانوا بيقولوا متروشنيش معاك
يعنى متجننيش زيك
وخليك عاقل ورزين بلاش الروشة اللى انت فيها دى دا انت بقيت راجل
يعنى الروشنة بعيدة عن العقل والرجولة والرزانة
وبقينا نسمع
ييااااااااه دا حتة سكرة روش طحن
الحمد لله انها جت لغاية كدا

عاوز منى ايه انا بكلم صحابى
خلصينى وانهى عشان عندى ميعاد مهم
يعنى مش اتكلم معاهم
يعنى وانا هفضل مستنيك
دا حديث داير بين اخت واخوها
بيتخانقوا على الكمبيوتر
هى بتكلم الشب الروش
وهو عايز يتعرف على بنت اديتله ايميلها فى رسالة بعد ما اتعرفوا على بعض فى الشات

معلش ماهى ديمقرطية وطبعا خايف يظلمها لانه بيتكام مع بنات
لا راجل وهييجى منك ان شاء الله

شكـــرااا لكم
تحـياتى للجمــيع

للحديث بقــية

الجعفرى

لالالا يا جعفري ايه الكلام ده يا راجل مش للدرجة دي
بالنسبة للمشجر بتاع الصبيان فياريت يبطلوه علشان البنات بتضحك عليهم ده غير الاحراج طبعا
البنات حقولك ده يرجع للتربية في البيت طالما مامتها مشجعاها علي انها تلبس البنطلون الساقط والحزام والبادي يبقي خلاص البنت حتعمل ايه ملقتش اللي يقولها ده غلط وده صح خصوصا خصوصا اللي بيغظني انها لابسة طرحة
بس لو بنت لابسة بنطلون واي حاجة من فوق تكون محترمة فده عادي يعني
وده تعليقي علي النقطتين دول وموضوعك هاااااااااااااااايل يا جعفري ومجهودك رائع

سيبك انت ....!!! ..أنا أكتر حاجه مفرحاني انك أخيرا كتبت في حاجه غير الأهلي والزمالك....قشطه يامعلم
هههههههههههههههههههههه
lol!

انا اكتر حاجه تضحكني اني اشوف ولد لابس قميص خامته ستان او لابس حاجه فيها ترتر او بتلمع ولا لو لابس في رجله حاجه لونها احمر هههههههههههههههههههههههه ولا اصفر يالهوييييي
اما بنات اليومين دول مقدرش اقولك غير "لا تعليق" ههههههههههههه
بس هو فيه سؤال صغير "فين شارع شاكور ده"؟؟
هو ده نسبة الي الي"شاكور الاخشيدي" اخو كافور الاخشيدي بتاع الدولة الاخشيديه؟؟

لا وانتي صادقه يارحاب ده شاكور عدويه أخو أحمد عدويه بتاع بنت السلطان
ههههههههههههههه

هههههههههههههههههههههه طب كويس اوي انه طلع قريب عدوية وسمعني سلام
ويا بنت السلطان حني علي الغلبان دي الميه في ايديكي وجلوري عطشان،، وسعيده يا حلوة سعيده ياللي بلادك بعيده شاوري وجلوري يجيلك ماشي من بيته لمصر الجديده ههههههههههههههههههه... قشطه يا عم جلوري

هههههههههههههههههههههههههه....بس مين قال اني عطشان ...
انتي بتتبلي عليا رحاب ....ده انا حتى لسه ضارب واحده كنز
هههههههههه
drunken

اولا احب اشكرك عالموضوع ده وانا بيتهيألي ان موضوع اللبس المحزق وابو ترتر اللي مبقاش مقتصر عالبنات بس لا والصبيان كمان ده بيرجع لتقليد الموضه الغربيه والتقليد الاعمى للحجات اللي بنشوفخا موجوده في الغرب وعايزين نبقى زيهم......فيلم اجنبي عالتليفزيون ..النجمه الفلانيه لابسه كزا عشان تعجب النجم البطل ف الفيلم اللي لابس كزا برضه..واصلا بتلاقيهم قالعين كزا وكزا...واحنا بهبلنا كعرب بقه ...الله ..شوفتي ايه مش عارف مهند ولا نور زي القمر
وتلاقي البس ده بأه يستوردوه اللي مش عارف ازاي اصلا واحنا طبعا الرياله تنزل ونقلد......طبعا الا من رحم ربي عشان مش تقولوا ان انا بشوه الصوره
هي الصوره مش باينلها معالم اصلا
لا تلاقي الحجات دي ايه...تدخل للبياع ....الله هو انتو جبتوا الموديل ده...اه...الله ده رخيص اوي....خلي الشعب يعيش يا انسه\يا بأه...التيكت بره صنع في تايلاند....جوه المقاس غلط وصنع الصين ....مش عارف فين مكتوب عليه صنع الهند...واكن كل بلد من دول عملت فيه فتله وفي مش مكتوب عليه صناعه اصلا....وكل دول مش بيبقى لا صين ولا هند....
دي بتبقى الحاجه اسراء.... واحنا طبعا عارفينها بتلعب معانا لعبه من ضمن حبه العاب قذره عشان تدمر عقول كتير من الناس وتشيع حجات وحجات.....
الموضوع كبير كبير جدا وانا طولت ورخمت واكتئبت
سيبك انت يا جعفري بس انا راضي ذمتك .......انت بتقول..الموبايلات رخصت وشارع شكور...اوك بس يا اجل ده لون خط تكتب بيه حرام عليك عنينا

موضوع سوبر والله

ارد اكثر روعه من الموضوع ذات نفسه يا جلورى