صعب جدااا الرد على هذا السؤال !!!!!!!!

ممكن الرد يبقى بصراحة ومن غير احراج هل انت او انتى راضيين او مقتنعيييين بما تفعلون فى حياتكم وبنسبة كم وان كنتم غير مقتنعين فلماذا لم تغيرو هذة الحياة

انا عن نفسي مقتنعه بنسبة 90 % اني شخصية كويسه وانسانه كويسه لان دا مش كلامي او رأيي ده رأي الناس فيا،، اما ال 10% انا محتاجه اغيرهم من شخصيتي لان عيوبي هي اني حاده في التعامل وبتقمص بسرعه ولما بشوف حاجه غلط بقول عليها غلط ولما بشوف حاجه وحشه بقول عليها وحشه " يعني صريحه زياده عن اللزوم" بس الحمدلله مميزاتي اكتر من عيوبي وانا بحاول اغير عيوبي دي واحولها الي مميزات وشكرا ليك يا سكر ع السؤال الخطير ده.... رحاب

انا الى حد ما شيفه انى كويسه بس عيبى انى بقيت عندى لا مبالاة ومكبرة دماغى اوى ودى حاجه لسه ظهره فى حياتى قريب ومش عرفه عيب ولا ميزة انى بندفع بمشاعرى اوى وبصدق اى حاجه تتقلى بس الحمد لله طيبه ومش بحب ازعل من حد ولا ازعل حد ولو الثلاثى شايف فيا حاجه وحشه يقولى عليها

يا ميرو انتي زي الفل وعسل اوووووووي وانا بحبك جدا جدا جدا بس انا عايزاكي تكوني علطول فرداها متعرضهاش هههههههههههههههههه

هههههههههههههه.......اسمها كشكشها ماتعرضيهاش........على رأي زكيا زكريا......عموما.....انا مش مغرور والله....بس انا في فتره من الفترات والحمدلله كنت راضي عن نفسي تماما....ييجي بنسبة 98 %كده..بس مؤخرا ظهرلي في البخت جديد اللي هوعدم المبالاه ده.....وده شئ خطير جدا بالمناسبهلأن ده زي ماعرفت بعد كده نوع من وساوس الشيطان بيبتدي بتكبير الدماغ بحاجات بسيطه..بعد كده يتطور لانك تبقى مش فارقه معاك انك تجيب امتياز من جيد مثلا بعدين كمان شويه متبقاش فارقه معاك تنجح من تسقط وبعدين أدام شويه ..مش فارقه معاك تصلي او متصليش وهكذا بالتدريج عتلاقي نفسك في الزباله........وده اللي خلى النسبه تتراجع ل 80 % مثلا....وعموما المشكله دي مع انها بتبتدي بسيطه بس بعدكده مقولكومش وعلاجها بسيط جدا فوق ماتتخيلو...يعني عشان الاخت ميرو برده تستفيد....ارجع قريب من ربنا تاني.....لأن أي وسواس الشيطان يوسوسهالك أكيد يبقى انت بعدت ولو شويه عن ربنا...وشكرا

اوك يا جلوري شكرا علي التوضيح بس انت لحقتني قبل ما اقولها غلط لحد تاني هههههههههه
سؤالك جميل جدا يا سكر وانا الحمد لله راضية عن نفسي اوي بنسبة 95% ولكن ........................... مش عارفة حسه ان الحالة اللي عندي حالة عامة وهية عدم الاهتمام زي ما قالت ميرو وقال جلوري اللامبالاة بحاول اقنع نفسي اني تمام وزي الفل بس الواقع بيقول غير كده وخاصة خاصة في موضوع المذاكرة والدراسة مش عارفة في ايه السنة دي في منعطف جامد جدا وظاهر وواضح عليا اني مش بذاكر باهتمام وفي نفس الوقت بقنع نفسي اني تمام وبتمني من ربنا يهديني ويهدينا كلنا يا شباب ونذاكر بجد ونعدي السنة دي

ان شاء الله هتعديها يا سمسم انتى وكل اللى زيك ياذن الله ومتشكر لردكم كلكم واتمنى المزيد علشان نلاقى حل فعلا للمشكله اللى ظهرت فى كل الشباب دى
وفعلا مش عارفين نتغير او نغير حتى اللى جوانا

طبعا ياسكر...بس المشكله الحقيقيه....ان اكتساب العادات بيبقى سهل وبسيط ...لكن التخلص من نفس العاده دي بيبقى صعب جدا.......لأنها ببسلطه بتبقى عاده.....عندك مثلا المدخن بيبقى مدخن بسيجاره...مجرد سيجاره واحده.....شوف بأه الاقلاع عن التدخين بيبقى متعب ازاي..... ...ودي برده ليها حل تاني...ببساطه متعودش نفسك على اي حاجه......حاول تعرف ايه الصح من الغلط....يعني مثلا المحافظه عالصلاه في مواعيدها ....ده شئ جميل وعاده نافعه....غير مثلا عادة الكسل أو التنبله ..بتبقى مميته.....وهكذا.....برده...تحاول العاده اللي مدايقاك....تغيرها في أولها لأن الاولبيبقى دايما سهل ...غير بعد كده أما تتعود عليها أوي.......وارجو اني اكون أفدت .....وشكرا.......جـــــــلــــــوري

طبعا افدت جدا وحتى من غير ما تتكلم خالص مفيد لان كلامك جميل ومنسق
شكرا جلورى

شكرا سكر....شكلك زوق زي صحبك عمده.....سلملي عليه كتير بالمناسبه....وكل سنه وانتم طيبين ياأعضاء المنتدى المصرييييييييين....بمناسبة اللحمهيممممممممممممممممم

طب يااشباب عايزين نعمل وقفه على حاله التبلد اللى احنا فيها دى واصلا مبقاش فى وقت بجد عايزين اى اقتراح كده عشان نركز شويه

مش عارفه والله ايه حكايه اللامبالاه اللي بقينا فيها لازم نتصرف والله شكلها عدوي اتعدينا بيها كلنا وربنا يستر السنه دي والله شكلها سنه زي الفل ولا ايه يا ميرو ههههههههههههههه

مشكور على الموضوع يا سوكر

العفو لا ليفربول بس انا اتمنى اننا كلنا نشارك فى الموضوع دة بالذات لان من خلاله هنعرف بعض ودى الحاجة اللى مفتقدينها فى المنتدى هنا
وعلى فكرة سكر من فير واو