1. بلد احب زيارتها: اسكندرية.. مع انها بلدي بس بحبها اوي وبحب امشي في شوارعها وازورها وعمري ما ازهق منها.
2. لو طلعت القمر هاخد حبيبي معايا لان اكيد جو القمر الرومانسي الشاعري يستدعي وجود حبيبي معايا.
3. نفسي اقابل محمد فؤاد لانه بجد شخصيه رائعة وفنان جميل وهو الفنان الوحيد اللي احساسه بيوصل قلبي بسهوله.
4. تدمع عيني لما بتذكر وبفتكر اي لحظة فراق مريت بيها في حياتي،، لحظة فراق بيني وبين معلمتي في تالته ابتدائي بجد كان موقف صعب ومؤثر وعمري ما هنساه.. والله العظيم عيني دمعت دلوقتي وانا بكتب.
5. الحب: الحب احلي عذاب ودموع،، الحب ليل وسهر وشموع،، وكلمة حلوه واحلي غنوه لو حتي صوتها ماهوش مسموع. يعني ببساطه هو احساس جميل اوي بيصاحب الشخص اللي بيحب وبينتج عنه تفكير مستمر وحاجات مقدرش اوصفها لكن اقدر احسها وبس.... اما الصداقه فهي كلمة مشتقه من الصدق ويصاحبها اخلاص وتضحيه وصراحه وكتمان اسرار واخلاقيات ساميه وحاجات تتعدي الوصف وتتخطاه.
6. اهم صفه في الحبيب او الصديق هي الضمير الحي المستيقظ،، لان لو عنده ضمير يبقي هيكون مخلص وصادق وصريح وفيه اغلب الصفات الحلوه.
7. حكمتي في الحياه: محدش بيتجرح اوي الا لما يحب اوي.
8. مفيش شخص لحد دلوقتي يقدر يجبرني علي الابتسامه،، لان انا اللي بجبر الناس علي الابتسامه،، بس ممكن نقول الفنان " احمد حلمي " ساعات بيجبرني ع الابتسامه.
9. مفيش شخصيه بعينها بنفر منها،، بس ممكن نقول المطرب " جورج وسوف " صوته بينرفزني جدا بس بحب له حوالي 3 اغاني بضطر اغنيهم بصوتي انا وخلاص عشان مسمعهوش.
10. اكيد حبيبي لان عيني مش بتشوف غيره،، بس ممكن نقول الفنان "احمد عز" لانه حلو وشيك وخاصة لما يكون في حفله او مهرجان ولابس بدله لونها اسود.
11. شخص عزيز جدا حالت بيني وبينه الايام: حبيبي.
12. بصراحه 3 باقات بس مش كفايه انا عايزه اكتر عشان حبايبي كتير بس ممكن اهديهم ل " اسماء & سلمي & مارلين " لان دول اكتر تلاته يستحقوها وافضل اصدقائي.
13. ابوح بأسراري لاختي الكبيره.
14. للاسف انا متعلمتش من الحياه حاجه،، يمكن فهمت ان احسن حاجه اني اخليني في حالي ولو شوفت غلط اسكت ومتكلمش عشان الناس متهاجمنيش وتكرهني بس لسه مقررتش اعمل بالموضوع ده.
15. العطر اللي بيعجبني: passion dance & trueglow & rare gold & perceive & .
16. شخص اتمني التقرب منه: حبيبي.
17. تاريخ له ذكري عزيزه علي قلبي" الجمعه 26\9\2008 اليوم اللي اتولد فيه ابن اخويا.
18. رساله الي شخص له فضل عليا: اخويا.. واقوله في الرساله دي " خليني علي بالك وافتكرني".
19. ثلاث بطاقات عتاب: انا اكتر واحده عارفه ان العتاب للاسف مش بيجيب نتيجه مع الناس لان لما بعاتبهم بيكدبوا عليا وبيختلقوا الاسباب والحجج وبيضحكوا عليا بس عموما اوجههم ل " حبيبي & ماري صاحبتي & رانيا صاحبة اختي & بابا & اخويا & كريم حلمي " الصراحه في ناس كتير عايزه اعاتبهم و3 بطاقات لا يكفوا.