الرئيسيةالبوابةس .و .جبحـثالأعضاءالمجموعاتالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
أفضل 10 أعضاء في هذا المنتدى
koki
 
Rehab
 
MIDO
 
meteeb
 
LOMA
 
Liverpool
 
smsm
 
MIDO_THELOVER2008
 
BFaa
 
mesho
 
بحـث
 
 

نتائج البحث
 
Rechercher بحث متقدم
احصائيات
هذا المنتدى يتوفر على 251 عُضو.
آخر عُضو مُسجل هو fadymady فمرحباً به.

أعضاؤنا قدموا 9552 مساهمة في هذا المنتدى في 1207 موضوع

شاطر | 
 

 الحلقه التانيه- من يومـــــيات عــــــــأطل بعنوااان"كليب هيفاء الجديد***

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
MIDO_THELOVER2008
Gold Member
Gold Member


ذكر
عدد الرسائل : 565
العمر : 27
العمل/الترفيه : جامعي
المزاج : مهيس
المزاج :
المهنه :
الهوايه :
تاريخ التسجيل : 20/08/2008

مُساهمةموضوع: الحلقه التانيه- من يومـــــيات عــــــــأطل بعنوااان"كليب هيفاء الجديد***   11/3/2009, 10:29 pm


السلام عليكو يا اخواننا santa

النهارده جايبلكو الحلقه التانيه من
.
.
يوميــــــــــــأت عـــــــــــــاطل الشحــــــــــــــــأت

بعنـــــــــــــوان


كلــــــــيب هيفـــــــــــــا
قاعد من يومين على القهوة اللى تحت بيتنا انا ومجموعة اصدقاء من فاقدى الهوية فى هذا البلد </SPAN></SPAN>كنا قاعدين بنتناقش فى بعض الامور الهادفة كحال شباب هذا الجيل </SPAN></SPAN>ودار بيننا هذا الحديث مااا تيجو نشوووف Smile
" سعيد التايه " : شوفتوا يا جدعان الكليب الجيد بتاع هيفا ؟؟؟
"
حمادة المحظوظ " : آه " يابن الحلال" .. شوفته … انما ايه .. حكــــــــــــاية … البت دى طلقــــة.... F16 !!
"
شلبى عكننة " : عااااااااااااا … عننننننن …. هووووووو … هىىىىىىى
انا : ايه ده ؟؟ هو ماله ؟؟؟
حنظلة : يا جدعان … يا جدعان … قولنا ميت الف مرة ماحدش يجيب سيرة الولية دى واحنا قاعدين على القهوة هنا … وخصوصا قدام الواد ده !! … قوم يا شلبى قوم يابنى … خلاص هانقفل على الموضوع
!!
شلبى مستفيقا : آه يابا … عايز مايه !!
انا : طقم ماية ساقعة هنا يابنى … وشيع معاه 6 فرد شيشة تفاح !!
شلبى بتعب : انا .. ع .. عايز .. م .. معسل .. آه يابا !!
حنظلة : انت ياض مش كنت بتموت من شوية ؟ !!!
القهوجى ممسكا بالشيش : الشيش يا بهوات .. على الله تدفعوا بس !!
انا : ايه على الله تدفعوا دى .. "فلوزك " هاتخدها على "الدزمة" !!
جزمجى قاعد على جنب : ايوة يابيه ... تلمع ؟؟
انا : فى ايه انت التانى ... انتوا بتتلككوا ولا ايه ؟؟
الجزمجى : يابيه مفيش حاجة ... ادينا بنسترزق .. تلمع بقى ؟ !!
حمادة المحظوظ : ماتمشى ياض بقى من هنا ... جزم ايه اللى انت عايزنا نلمعها ... ده انا آخر مرة لمعت فيها الجزمة كانت يوم اما اخدت الثانوية العامة .. كانت مكافئة نهاية خدمة يعنى !!
حنظلة : وانا آخر مرة لمعت فيها الجزمة دى كان من 4 سنين عشان اروح بيها الجامعة .. من يومها مالطهاش ورنيش !!
سعيد التايه : انا بقى الجزمة اللى فى رجلى دى آخر مرة لمعتها كانت فى ...
انا مقاطعا : ياعم سعيد ركز بقى .. انت لابس شبشب ... وبعدين احنا هانقضى الليلة كلها فى تلميع الجزم .. ده ايه الليلة اللى زى وشكوا دى !!
حنظلة للجزمجى : كله منك انت ... انت اللى قلبت علينا المواجع ... أهو شوف واحد زيك ماعاهوش شهادة وبتكسب بصنعتك دى وتلاقيك بتطلعلك فى اليوم ييجى بـ 10 ولا 15 جنيه ... واحنا يا بتوع الشهادات الجامعية مش لاقيين حتى وظيفة تعيشنا ان شالله من غير جواز !!
الجزمجى مزمجرا : ومين قالك يا محترم انى ممعاييش شهادة ؟؟ .. انا آداب جغرافيا بتقدير جيد جدا يا محترم !!
الجميــع في ذهووول : !!!!!!!!!!!!!!
--------------------------
بعد هات وخد بين افراد الشلة ... اجمع الكل على اتخاذ القدوة من الجزمجى .. ولهذا قرر جميعنا ان نبدأ فى العمل كــ ... باعة سريحه[size=21] !!


----------------------------------------------------------------------------
يتـــــــــــــــــــــــــــبع،،،
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MIDO_THELOVER2008
Gold Member
Gold Member


ذكر
عدد الرسائل : 565
العمر : 27
العمل/الترفيه : جامعي
المزاج : مهيس
المزاج :
المهنه :
الهوايه :
تاريخ التسجيل : 20/08/2008

مُساهمةموضوع: رد: الحلقه التانيه- من يومـــــيات عــــــــأطل بعنوااان"كليب هيفاء الجديد***   12/3/2009, 7:08 am

رجعت منزلنا الموقر لكى اعرض الامر برمته على والدى العزيز .. وانتظرت اللحظة التى يكون والدى مستمخا فيها كى افاتحه بالموضوع ... وبالفعل جاءت اللحظة ... فقد دخلت على والدى وهو جالس امام التلفاز حيث يتابع قناة " شو موفيز" .. طبعا احنا مش مشتركين فى الشوتايم .. بس ربنا يخليلنا الوصلة !!
انا : مساء الخير يا حاج ... شكلك مزاجك رايق !!
ابويا : كان رايق .. بس طبعا دخلتك البهية عليا .. بالدنيا واللى فيها !!
انا ببرود : ايه بقى ... بتتفرج على ايه !!
ابويا : مش عارف من الصبح عمال ادور على فيلم اجنبى un cut ومش لاقى !!
انا : نعم ؟ !!!
ابويا مستدركا : آ .. أحم .. ممدوح فرج ... قالب الدنيا من الصبح على برنامج ممدوح فرج ومش لاقيه !!
انا : وهو برنامج ممدوح فرج ايه اللى هايجيبه على قنوات الافلام ؟ !!!
ابويا ببلاهه : اومال تفتكر الاقيه فين ؟ !!!
انا باستهبال : روتانا كليب ان شاء الله !!
ابويا ببلاهه اكثر : لالالالا .. مش على روتانا كليب .. انا كنت لسه شايفها وكانوا جايبين كليب لهيفاء وهبى تقريبا !!
انا بلهفة : كليب هيفاء الجديد ... اقلب بسرعة !!
قلب ابويا القناة لقينا كليب لفنانة لبنانية ايضا وهى " مى الحريرى" !!
انا : سيبها بقى وخلاص ... اهم كلهم لبنانيات وعندهم امكانيات بارضو !!
ابويا بفرح : أدينى فى المواهب الشابة !!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MIDO_THELOVER2008
Gold Member
Gold Member


ذكر
عدد الرسائل : 565
العمر : 27
العمل/الترفيه : جامعي
المزاج : مهيس
المزاج :
المهنه :
الهوايه :
تاريخ التسجيل : 20/08/2008

مُساهمةموضوع: رد: الحلقه التانيه- من يومـــــيات عــــــــأطل بعنوااان"كليب هيفاء الجديد***   12/3/2009, 7:14 am

بعد مشاهدة ما يقرب من 15 كليب على التوالى انا ووالدى المصون .. فقد حان الوقت لكى اعرض عليه الموضوع !!
انا : بقولك ايه ياحاج .. كنت عايز اعرف رأيك فى موضوع كدة !!
ابويا غير مبالى : العالم بتوع لبنان دول عايزين جايزة نوبل والله على المجهود الشاق اللى بيبذلوه ده !!
انا : يابا خليك معايا بقى ... بقولك عايز رأيك فى موضوع !!
ابويا بحزم بعدما اغلق التلفاز ليسمعنى : ارغـــــــى !!
انا : انا نويت اعمل مشروع !!
ابويا : لا حول ولا قوة الا بالله ... معلش يابنى ... كله بيعدى والله !!
انا : هو ايه ده ... هو انا بقولك عندى صداع ؟!! .. انا بقولك هاعمل مشروع .. مشرووووووووع !!
ابويا : لا اله الا الله ... طب خش ريحلك ساعتين كدة ولا حاجة على الكنبة .. يمكن تقوم كويس !!
انا باستغراب : ايه هو اصله ده ... هو انا بتكلم فيومى ولا ايه ... ياعم انا بقولك عايز اعمل ...
ابويا مقاطعا : مشروع ... مشرووووووووع سمعت ... سمعت الرعد فى ودانك !!
انا : اومال في ايه بقى ؟ !!!
ابويا : انت عبيط ياله ؟ !!! ... مشروع مرة واحدة ؟!! .. يا بجاحة اللى خلفوك يا أخى !!
انا : طب ليه الغلط دلوقتى ؟ !!
ابويا : وان شاء الله .. ناوى تنفذ المشروع ده فين .. " جاردن سيتى " ولا " الفور سيزون " .. ولا اقولك فكرة .. ايوة " سان استيفانو " انت تروح تنفذ مشروعك فى " سان ستيفانو " .. مكان سياحى وسعر الحاجة هناك مضاعف .. وأهو كمان صاحب المكان "طلعت مصطفى" محطوط فى السجن ومش فاضيله .. يعنى ماحدش هناك هايقولك انت بتعمل ايه !!
انا بغضب : يابا بطل تريقة بقى واسمعنى !!
ابويا بقرف : اطربنى ... ناوى تشتغل ايه ؟ !!
انا بفخر : بـــــائع ســـريـــح !!
ابويا صائحا : الحقى يا ذينب .. يا ذينااااااااااااب ... تعالى شوفى المتسول ابنك بيعمل ايه !!
امى قادمة من المطبخ كالعادة ممسكة بسكينة وفص توم : ايه خير .. فى ايه .. عملت ايه تانى يا جالب العار لاسم العيلة !!
ابويا : ابنك ياست هانم عايز يشتغل بياع سريح !!
امى : وماله يا خويا ... مش احسن من صياعته فى الشوارع طول الليل والنهار .. لالالا ياحاج سيد .. المرة دى .. الواد عنده حق !!
ابويا راقصا : عرفة الجامع !!
انا : يابا انا حاسس ان المشروع ده هو اللى هايفتحلى باب المجد !!
ابويا : جاك فتح نفوخك .. انت عايز الناس لما تشوفك سارح كدة يقولوا ابن " سيد الشحات " سارح ببضاعة فى الشوارع .. آسف .. اسم العيلة ومركزى ما يسمحوليش !!
امى بغضب رافعة السكين : بقولك ايه يا سيد يا شحات .. الواد هايشتغل يعنى هايشتغل .. بلاش فشخرة كدابة واعقل بقى احسن انت عارف .. انا لما زرابينى بتطلع مابشوفش قدامى !!
ابويا يحضننى بخوف : الف مبروك يا حبيبى .. ربنا يجعلها قدم الخير عليك يا بنى !!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MIDO_THELOVER2008
Gold Member
Gold Member


ذكر
عدد الرسائل : 565
العمر : 27
العمل/الترفيه : جامعي
المزاج : مهيس
المزاج :
المهنه :
الهوايه :
تاريخ التسجيل : 20/08/2008

مُساهمةموضوع: رد: الحلقه التانيه- من يومـــــيات عــــــــأطل بعنوااان"كليب هيفاء الجديد***   12/3/2009, 7:17 am

تانى يوم نزلت انا واصدقاء الكفاح .. وكل واحد فينا ماسك فى ايده بؤجة كبيرة .. واتجهنا الى احد الاسواق الشعبية للملابس والشباشب والجزم والذى منه ... وبضعنا لحد ما كل واحد ملى البؤجة بتاعته لما بقت اتقل منه مرتين .. وبدأ كل واحد فينا يختار منطقة يفرش فيها بضاعته .. وقد كان ... وبدأت العمل !!
انا مناديا فى الشارع : ايوة يا بيه .. ايوة يا مدام .. شبشب حمادة بـ 2 ونص .. وتعالى بص .. يلا يا ابلة يلا يا استاذ .. اشترى قماش الحجاز !!
واحدة ست شايلة ابنها على كتفها : بكام ياخويا الفردتين دول !!
انا : من غير فلوس خالص يا ست !!
الست : كدة ؟؟ ... طب هاتلى اربع فرد بقى !!
انا : ايه ده ... ياستى عشان خاطر العريس الصغير ده بـ 2 جنيه بس .. يلا ان شالله ماحد حوش !!
الست : لا .. ده انت مش عايز تبيع بقى ... انا هاخد الجوز بنص جنيه .. ها .. قولت ايه ؟؟
انا بغضب : امشى يا ولية انتى من هنا !!
الست مبتعدة : ياخى جاتك نيلة .. والنبى مانت بايع حاجة فى يومك ده .. اروح اجيبه من الوكالة بربع اسعارك !!
انا صائحا : بس حمى الواد اللى على كتفك الأول واديلو حقنتين فى مستشفى المبرة وبعدين ابقى اشتريله لبس .. زباين خرفان صحيح !!
وظل الامر هكذا ساعة فى التانية فى التالته .. حتى ... وآه من " حتى " هذه .. فقد دخلت الشارع ... كبسة !!
احدهم صائحا وهو يجرى ببضاعته : مرافــــــــــق ... مرافـــــــــق !!
حاولت الم اى حاجة من اللى مفروشة على الارض واجرى بيها .. ولكن .. ( طرااااااااااااااخ ( قلم مخبرين مجربة قبل كدة كتير !!
المخبر : اقف عندك ياض ... هات اللى فى ايدك ده ... شيل اللى على الارض ده يا مرسى !!
انا : استنى يا مرسى وحياة ابوك .. دول مدفوع فيهم 200 جنيه !!
ظابط البوكس من داخل السيارة : يلا ياض من هنا بدل ما ناخدك مع البضاعة ... مش عايز اشوف وشك فى الشارع ده تانى !!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MIDO_THELOVER2008
Gold Member
Gold Member


ذكر
عدد الرسائل : 565
العمر : 27
العمل/الترفيه : جامعي
المزاج : مهيس
المزاج :
المهنه :
الهوايه :
تاريخ التسجيل : 20/08/2008

مُساهمةموضوع: رد: الحلقه التانيه- من يومـــــيات عــــــــأطل بعنوااان"كليب هيفاء الجديد***   12/3/2009, 7:22 am

بعد هات وخد .. تم بحمد الله استرداد البضاعة بعد دفع حوالى 20 جنيه اكراميات لعمال المخزن بتاع المرافق عشان اخرج الحاجة من تحت لتحت ... وقولت توبة ... وروحت رجعت البضاعة للراجل اللى اشتريتها منه فى الوكالة ومارضيش يدفع فيها الا نص تمنها فقط !! .. ( اشوف فيه اسبوع !! ) .. وعدت الى منزلنا ... واكتشفت ان اللى حصل معايا حصل بالتفصيل مع اصدقاء الدرب ... فقد كانت حملة موسعة للمرافق فى المنطقة كلها !!
دخلت البيت وانا شعرى واقف وهدومى متقطعة ووشى احمر وعنيا وارمة من اليوم العصيب ده !!
ابويا برعب : عفريــــــــــت ... يا ذينااااااااااااااااب ... هاتى البخور من عندك !! .. انصرف .. انصرف !!
انا : شوفت المرافق عملت فيا ايه ؟ !!! ... آآآآآآآآآآآآآآآآآآه !!
ابويا : يا ذينااااااااااااب .. البخور بسرعة ... العفريت طلع مرافق !!
امى مدققة النظر : انت جيت ... ايه اللى نيلك كدة يا موكوس ؟ !!!
انا : المرافق يامّا ... خدوا منى البضاعة وسابولى البؤجة دى !!
امى : طب خش خش .. استحمى كدة والبسلك حاجة من دولاب ابوك !!
انا : حاضر يا مّا !!
ابويا ببلاهه : ذينب مخاوية عفاريت !!!
امى بغضب : ماتركز يا جدع اومال ... ده ابنك !!
بعد خد وهات فهم والدى أخيرا الموضوع !!
ابويا : وعمال تقوللى هاطلع سلم المجد .. هاطلع سلم المجد ... آديك بقيت بتمسح السلم !!
انا : وبعدين بقىىىىىى ... والنبى يابا .. شوفلنا سيرة تانية بقى وقفل على الموضوع ده الساعة دى !!
ابويا : ماشى ياعم ..... اســـكـــت !!
انا : ايه ؟؟
ابويا : مش انا شوفت كليب هايفاء وهبى اللى انت كنت بتقول عليه ؟ !!
انا ببلاهه : جامد مش كدة ؟ !!
ابويا : طلقـــــــــــــة !!
انا : طب ماتفتح التلفزيون ياعمنا يمكن نلاقيه !!
فتح ابويا التليفزيون لقينا مذيعة بتقول : وحصلت الفنانة " تى تى حركات " على 2 مليون جنيه كأجر عن فيلمها الآخير " هزة وسط " والذى حقق اعلى ايرادات هذا الموسم !!
نظرنا انا ووالدى المبجل لبعضنا ببلاهه مما سمعناه .. ثم غيّر والدى القناة لنجد كليب هايفاء الجديد امامنا ...
هايفاء وهبى : يابن الحلال .. لأديك عينى .. بتبعد ليالى وتنسانى وبعدين معـــاك !!
انا وابويا فى نفس واحد : هـــــو ده الكـــــلام !!
والى اللقاء فى حلقة أخرى من ..
يوميـــــــــــات عـــــــــاطــــــــــل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
smsm
Privet Member
Privet Member
avatar

انثى
عدد الرسائل : 602
العمر : 27
العمل/الترفيه : جامعية
المزاج : رايقة
المزاج :
المهنه :
الهوايه :
تاريخ التسجيل : 21/08/2008

مُساهمةموضوع: رد: الحلقه التانيه- من يومـــــيات عــــــــأطل بعنوااان"كليب هيفاء الجديد***   12/3/2009, 10:12 pm

هههههههههههههههههههههههههههههههههههههه
وااااااااااااااااااااااااااااااااااااااااااو
جميلة جداااااااااااااااااااااااااا الحلقة دي
ههههههههههههههههههههههههه
قشطة عليك يا ميدو يا جامد يا شديد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MIDO
Admin
Admin
avatar

ذكر
عدد الرسائل : 905
العمر : 27
العمل/الترفيه : كليه تجاره اسكندريه/الجيم و النت
المزاج : فى الروقاان
المزاج :
المهنه :
الهوايه :
تاريخ التسجيل : 16/08/2008

مُساهمةموضوع: رد: الحلقه التانيه- من يومـــــيات عــــــــأطل بعنوااان"كليب هيفاء الجديد***   14/3/2009, 2:41 am

ههههههههههههههههه
جامد جدا جدا
سوبر عليك يا بوب

_________________
محمد الشعراوى
»-(¯`v´¯)-» MR.MIDO »-(¯`v´¯)-»


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.sawa.rigala.net
Liverpool
Admin
Admin
avatar

ذكر
عدد الرسائل : 637
العمر : 28
المزاج :
المهنه :
الهوايه :
تاريخ التسجيل : 16/08/2008

مُساهمةموضوع: رد: الحلقه التانيه- من يومـــــيات عــــــــأطل بعنوااان"كليب هيفاء الجديد***   14/3/2009, 12:31 pm

مشكووووووووووووووووووووووووووور

_________________
[/img][img]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.sawa.rigala.net
MIDO_THELOVER2008
Gold Member
Gold Member


ذكر
عدد الرسائل : 565
العمر : 27
العمل/الترفيه : جامعي
المزاج : مهيس
المزاج :
المهنه :
الهوايه :
تاريخ التسجيل : 20/08/2008

مُساهمةموضوع: رد: الحلقه التانيه- من يومـــــيات عــــــــأطل بعنوااان"كليب هيفاء الجديد***   16/3/2009, 1:56 am

مشكووووووور عالردود يا احلىا اعضاااااااااء وان شاء الله الحلقه التالته بكره تكون موجوده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
LOMA
Privet Member
Privet Member
avatar

انثى
عدد الرسائل : 863
العمر : 27
العمل/الترفيه : طالبة بكلية التربية
المزاج : خجولة
المزاج :
المهنه :
الهوايه :
تاريخ التسجيل : 20/08/2008

مُساهمةموضوع: رد: الحلقه التانيه- من يومـــــيات عــــــــأطل بعنوااان"كليب هيفاء الجديد***   21/3/2009, 1:39 am

ههههههههههههههههههههههههههههههههه
ههههههههههههههههههههههههههههههههههههههههههههههههههه
قشطه عليك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MIDO_THELOVER2008
Gold Member
Gold Member


ذكر
عدد الرسائل : 565
العمر : 27
العمل/الترفيه : جامعي
المزاج : مهيس
المزاج :
المهنه :
الهوايه :
تاريخ التسجيل : 20/08/2008

مُساهمةموضوع: رد: الحلقه التانيه- من يومـــــيات عــــــــأطل بعنوااان"كليب هيفاء الجديد***   26/3/2009, 4:43 am

قششطه عليكي انتى يا لووما ....اققري الحلقه التالته وانا انشاء الله ححط غيرها قريب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الحلقه التانيه- من يومـــــيات عــــــــأطل بعنوااان"كليب هيفاء الجديد***
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» "عقدة البدري" تهدي الحدود اللقب الثاني
» زوج ساندرا بولوك يتحدث عن ملابسات "الخيانة"
» ?? «« قصـــة حيـــاة الجنتـــل الأسمـــر " تري هنري " »» ??
» اعرف اكثر عن زوجات الرسول"صلى الله عليه وسلم"
» فيت لأزالة الشعر الزائد " احسن طريقة بشهادة فتيات كتير "

صلاحيات هذا المنتدى:لاتستطيع الرد على المواضيع في هذا المنتدى
شباب مصريين :: عالم الفكاهه و المرح :: 5 فرفشة-
انتقل الى: