الرئيسيةالبوابةس .و .جبحـثالأعضاءالمجموعاتالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
أفضل 10 أعضاء في هذا المنتدى
koki
 
Rehab
 
MIDO
 
meteeb
 
LOMA
 
Liverpool
 
smsm
 
MIDO_THELOVER2008
 
BFaa
 
mesho
 
بحـث
 
 

نتائج البحث
 
Rechercher بحث متقدم
احصائيات
هذا المنتدى يتوفر على 251 عُضو.
آخر عُضو مُسجل هو fadymady فمرحباً به.

أعضاؤنا قدموا 9552 مساهمة في هذا المنتدى في 1207 موضوع

شاطر | 
 

 اشهر جمل بيقولها الاب والام

اذهب الى الأسفل 
كاتب الموضوعرسالة
LOMA
Privet Member
Privet Member
avatar

انثى
عدد الرسائل : 863
العمر : 28
العمل/الترفيه : طالبة بكلية التربية
المزاج : خجولة
المزاج :
المهنه :
الهوايه :
تاريخ التسجيل : 20/08/2008

مُساهمةموضوع: اشهر جمل بيقولها الاب والام   26/8/2008, 9:15 pm

أشهر جمل بيقولها الأب و الأم
موجودة فى كل بيت
اكيد انت سمعت كتير منها

.
.
.
.
.
.

انت فاكرنا لاقين الفلوس دى في الشارع .

ما تتكلمش بصوت عالي في الحمام .

والله ما انت فالح .. وادي دقني أهه .

ما تنمش غير لما تغسل سنانك .

ما تلزقش في التلفزيون كده .. نظرك هيضيع .

سلم على عمك كويس يا ولد .

يا ابني محدش هينفعك .

ما تطلعش ايدك من الشباك .

قصة الغريق الكاذب اللي كل مره يقول الحقوني ... لحد ما غرق بجد .

ربنا يرزقك بعيل يوريك اللي ورتهوني .

ما تطلعش على الملايه النظيفه و رجليك متوسخه كده .

نسيت تشرب ؟ نسيت تاكل ؟ نسيت تاخد المصروف ؟ نسيت تعكنن عليا و على امك ؟

طلع ايدك من جيبك و انت بتكلمني .

ايه اللا مبالاه و الاستهتار اللي انت
عايش فيهم دول .

قوم يابنى ذاكر لك كلمتين ينفعوك .

وطي المدعوق ده شويه .

انت فاكرنا نايمين على ودانا ؟

يا ابني انت مسطول ولا ايه ؟

ما تلبسش القميص على اللحم زي العيال الصايعه .

بلاش أكل بره .

كلمنا لما توصل .

عيـــب ... لازم تحترم اللي أكبر منك .

لو شفت خناقه مالكش دعوة بيها .

لازم تأكل سلطه .

اوعى تكدب عليا كده تاني مرره .

اوعى حد غريب يديلك حاجه تاكلها أو تشربها و تاخدها منه .

يا ابني كلم خالتك العيانه اسأل عليها .

بلاش لعب في الشارع .

ما تعليش صوتك .

وانت فاكر ان احنا مستنيين منك حاجه .

المسلسل مش هينفعك ...قوم ذاكر .

ما تقعدش قدام المروحه وانت مستحمي .

كفايه رغي في التليفونات .

بلاش وقفة الشبابيك و البلكونات .

اوعى تقول لحد هات لي حاجة .

كل على مهلك .. وامضغ كويس ... وما تكلش
وانت واقف .. وكل من قدامك ما تحفش .

اطفي التلفزيون وقوم ذاكر . أو اطفي التلفزيون و خش اوضتك .

ربنا يهديك ربنا يهديك ... وأحيانا .. انك لا تهدي من أحببت .

صليت العصر ؟!

ما تمشيش حافي في السقعة دي

ما فيش مذاكرة على المزيكا .. أو .. بتذاكر إزاي و البتاع ده شغال جنبك

افرد ظهرك .

ما تتأخرش بعد المدرسه و تقعد تصيع مع أصحابك .

بص كويس و انت بتعدي الشارع .

ومالها الكتب بتاعة الوزاره ؟!

اللي بيشيل قربه مخرومة بتخر عليه لوحده ..

لو مش فاهم حاجه ارفع ايدك و قول للأستاذ مش فاهم .. متتكسفش .
تقعد في أول صف قدام السبوره .

ما تردش عليا .

مش عايز اسمع صوت .

مالكش دعوة بالسياسة .. وماتمشيش في مظاهرات .

التهديدات المخيفة شكلا و الكارتونية مضمونا : مثل: هأقطم رقبتك أو هأقطع
ايدك أو هأقطع لك لسانك أو هأدبحك دبح .

و أخيرا ::

ضرب امثلة تشجع على الكفاح و أشهرها أحد الأقارب اللي كان بيذاكر على لمبة جاز أو على عامود النور اللى في الشارع و نجح وخد الدكتوراه وسافر أمريكا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Rehab
Privet Member
Privet Member
avatar

انثى
عدد الرسائل : 1111
العمر : 21
العمل/الترفيه : طالب
المزاج : القراءة
المزاج :
المهنه :
اعلام الدول :
الهوايه :
تاريخ التسجيل : 18/08/2008

مُساهمةموضوع: رد: اشهر جمل بيقولها الاب والام   26/8/2008, 9:31 pm

موت يا حمار ان لقيت اكتر من 5 % بيسمعوا الكلام وينفذوه، كله بيسمع من هنا ويطلع من هنا ههههههههههههه يا عم كبر وعيش وقشطه والنبي قشطه يا لومه.... رحاب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MEMA
عضو جديد
عضو جديد
avatar

انثى
عدد الرسائل : 45
المزاج :
المهنه :
الهوايه :
تاريخ التسجيل : 16/08/2008

مُساهمةموضوع: رد: اشهر جمل بيقولها الاب والام   27/8/2008, 5:54 pm

هههههههههههههههههه
الكلام ده كله محفوظ
بس فعلا معظمه بيطلع من الناحية التانية برضه
واهى ماشية
/ ميرسى لوما /
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MIDO
Admin
Admin
avatar

ذكر
عدد الرسائل : 905
العمر : 27
العمل/الترفيه : كليه تجاره اسكندريه/الجيم و النت
المزاج : فى الروقاان
المزاج :
المهنه :
الهوايه :
تاريخ التسجيل : 16/08/2008

مُساهمةموضوع: رد: اشهر جمل بيقولها الاب والام   28/8/2008, 3:21 am

يااااااااا
ايه ده كأنك عايشه معايا ف البيت و بتكتبى كل حاجه اهلى يقولوها
بس موضوع جامد

_________________
محمد الشعراوى
»-(¯`v´¯)-» MR.MIDO »-(¯`v´¯)-»


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.sawa.rigala.net
Liverpool
Admin
Admin
avatar

ذكر
عدد الرسائل : 637
العمر : 29
المزاج :
المهنه :
الهوايه :
تاريخ التسجيل : 16/08/2008

مُساهمةموضوع: رد: اشهر جمل بيقولها الاب والام   28/8/2008, 4:13 pm

اية دا انتى ايش عرفك اللى ابويا و امى بيقوليلي كدا Razz هههههههههههههه
ميرسى يا لوما موضوع جااااااااااااااااااااااااااااامد طحن والله يا بنتى

_________________
[/img][img]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.sawa.rigala.net
 
اشهر جمل بيقولها الاب والام
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شباب مصريين :: عالم الفكاهه و المرح :: 5 فرفشة-
انتقل الى: