غلطة مين؟!..
خايفة يكون اللي بنا دة وهم
خايفة الحب دة يطلع سهم
يدخل في قلبك يخرج من قلبي
خايفة الحب دة يصبح ذنبي
سبتيني ومشيت ورحت بعيد
وفي لحظة بقيت عايش وحيد
وهي دي تبقي غلطة مين؟
غلطة حبي ليكي سنين
عمري مابعتك بالعكس بحبك
بس الحب قتلته بعندك
وجاي تقوللي ماكنش بايدي
لحظة لقانا دي كانت عيدي
بتكدب عليا حتي في وداعنا
وتقول الزمان هو اللي خدعنا
ليه ماصبرتش ليه ماحاربتش؟
ليه علي جرحي في يوم ماندمتش؟
ليه مش شايف في الدنيا دي غيرك
وتقوللي آسف لأ كتر خيرك
ماتلومنيش لو كنت جرحتك
ياما غلطتي وياما سامحتك
ماتندميش علي حب دفنته
ماتبكيش خلاص قتلته
يا خسارة حلم في يوم بنيته
يا خسارة دمع بسببك بكيته
يا خسارة الأيام يا خسارة الليالي
يا خسارة ذكري هتغيب عن بالي
12/9/2008, 12:14 am
