كِرِهتْ السَّاعة

موضوع: كِرِهتْ السَّاعة 21/9/2008, 6:12 am

كرهت الساعة و منها زهقت .. ماعدتش طايقها بجد اضايقت
متغاظ أوى منها عشان بلاقيها ... كل ما تيجى تقابلينى هيّه تجـــرى
آعدة معايا و عينيكى عليـــــها ... و فجأة الاقيكى بتسيبينى و تجرى
من غير ما لسه قلت حاجة و لا حتى نطقت
كل شويـــــة تبصى فيــها ... و تقوليلى الوقــت اتــأخّر
عايز اكسرها و للا ارميها ... بدعى تبوظ و يارب تأخّر
أو ياريتها لورا ترجع .. علشان الحق منِّك اشبع
بنبقى لسه يادوب آعدين و فجـــأة الاقى الوقــت اتبــخّر
و كــأن فيه غــــولة بـــــتاكل فى الوقـــــت
كرهت الساعة و منها زهقت .. ماعدتش طايقها بجد اضايقت
من كتر ما كرهتها .. بقيت احس انها ..
طــوق حواليــن رقبتى .. سور عالى ما بينى و ما بينك حبيبتى
و بقيــــــــت اشـــــــــوف عقـــاربها سيــــوف و بيحــــــــاربونى
بيعذبونى بيضربونى .. زى مايكونو متفقين عليا و حالفين يربّونى
من كتر ما كرهتها ..
بقــــــــــى نفســـــــــــى انـتـقـــــــــم منــــــــها و اعذبـــــها
و امسك بغل فى ايدى عقاربها .. اكتفها و احبسها و اضربها
و اخنقـــــــها زى انــــــا مــا اتـخـنـقـــــت
كرهت الساعة و منها زهقت .. ماعدتش طايقها بجد اضايقت
مش حـ البسها خلاص تانى و ايّاكــى .. الاقيكى لابساها
عايزك لمــا تيجى ابقى لوحدى ويــّاكى .. مش معــــــاها
يا امّا هاولّع فيها و افجرها .. بعد ما ارميها و اكسرها
مش هاقـــــــدر اطيقــــــها أد مــــــا طِقت

موضوع: رد: كِرِهتْ السَّاعة 21/9/2008, 6:45 am

هههههههههههههه
كلام جامد اوى يا مودى ســتتوبر عليك

موضوع: رد: كِرِهتْ السَّاعة 23/9/2008, 4:06 am

هههههههههههههههههههههههههههه بجد كلام دمه خفيف والله ينور عليك يا مودي

موضوع: رد: كِرِهتْ السَّاعة 23/9/2008, 5:37 pm

ههههههههههههههههه متنساش يا مودي ان الساعة دي هيا اللي جمعتكم وحتجمعكم