الجواز في الزمن دا؟؟؟؟؟؟؟؟؟
الموضوع دا حسيت انه بنشوفه كتييييييير اوووي في حاتنا وعايزة اعرف رأيكم
*اسئلتي للبنات*
1_ترضي ان عريس ييجي يشوفك ف بيت اهلك وانتي عمرك ما شفتيه؟وكأنه ي يشتري بضاعة؟
2_وهيبقي احساسك ايه وهو هيشوفك لاول مره؟
3_ولو رفضك هتحسي بإيه؟
4_وياتري هتعيدي التجربه دي مره تانيه؟
وياتري ممكن تقبليه ن غير حب؟
*اسئلتي للشباب*
1_ترضي تروح تتجوز بنت من غير ما تعرفها او لمجرد انها حلوه ومؤدبه واهلها طيبين وتلغي الحب من حياتك؟
2_هيكون احساسك ايه وانت رايح تشوف عروسه لاول مره؟واية اول حاجة حتبني انطباعك عن العروسة واهلها؟
3_شايف انك ممكن تكون نفسك ف كام سنه او يكون سنك اد ايه علي ما تفكر جديا ف الجواز؟
*****************
طب ولو افترضنا ان العريس وافق علي العروسه والجوازه مشيت
طب الحب هيروح فين؟
ولا خلاص المفروض مفيش بنات تحب ولا ترتبط عشان اكيد البنت مش هتتجوز اللي بتحبه لان اهلها عايزين العريس الجاهز؟
********************************
حاجة تالتة
انا بحس ان الجواز في مصر بقة مرتبط ب انت معاك كام انت ابوك شغال اية؟ انت عيلتك مين ؟
ولو هربت من دة هتلاقي حاجة تانية انت هتجيب شبكة بكام؟ وهتعمل فرح بكام وفين؟
مع انه ممكن بدل ما اروح اعمل فرح في قاعة اقل حاجة فيها 20000 وشبكة بردة نفس الحكاية
ماهو ممكن اعمل فرح بسيط وبدل ما تدفعوا فلوس في الكلام دة ممكن تملوا بيهم عمرة وتبقي بداية حياتهم عمرة
ولا انتم اية رائيكم في الموضوع دة
الرسول علية الصلاة والسلام قالنا الصح الي المفروض نعملة ومحدش يقول عصر الرسول غير عصرنا لان دة حرام ولان منهج الرسول مستمر لحد يوم القيامة
1-فعن أبي هريرة قال قال رسول الله صلى الله عليه وسلم : ( إذا خطب إليكم من ترضون دينه وخلقه فزوجوه إلا تفعلوا تكن فتنة في الأرض وفساد عريض ) رواه الترمذي وحسنه الألباني
مستني رائيكم
وردكم بصرررررررررررررراحة
يارب الموضوع يعجبكم
29/9/2008, 2:08 pm
