ازي تخلي ولد يحبك؟؟؟؟؟؟؟؟؟؟؟؟؟؟؟؟؟, للبنات فقط اي ولد هشوفه في التوبيك هعوره

علشان تخلى اى ولد انتى عايزاه يحبك ويموت فيكى ويقع فى غرامك
(عليكى باتباع الخطوط التاليه)

**********************************
أولا : الولد بيحب البنت الرقيقة
رفعوا صوتكم يا بنات . و أول ما تشوفى حاجه وحشة .. سورقى (يغمى عليكى) من كتر الرقة . و عيطى كتير . العياط دليل على الاحساس المرهف . أوائى له .. نكدى عليه الليلة .
**********************************
ثانيا الولد بيحب البنت الرومانسية
سبلى له . اسرحى كتير كلميه عن القمر و حاجات من دى . لازم تكونى هيمانه و انتى بتتكلمى . و يكون صوتك واطى .. وشوشة
*********************************
ثالثا : الولد بيحب البنت المؤدبه
قولى له انه اول واحد فى حياتك حتى لو كنتى متجوزة قبل كده و حامل فى توأم.. و لو سأل على انتفاخ بطنك قولى له كيس دهنى و لو عارف و متأكد انه كان لك علاقات كثيرة مثله :دى كلها اشاعات ده هما اللى كانوا معجبين بيا لكن انا ولا سألت فيهم كلهم
*********************************
رابعا : الولد بيحب البنت الاستايل style
كل ما تشوفى حاجه جديدة قلديها . يقولوا الموضه الشعر الاصفر .. اضربيه اصفر .. الموضه القصير .. قصريه .. مش مهم شكلك ايه .. ماتصدقيش اللى تقولك ما تخديش من الموضه الا اللى يناسبك .. دى بتغير منك و مش عايزاكى تبقى على الموضه .
ملحوظه : لو مشعارفه ايه الموضه اختارى لك واحدة معينة او مذيعة و قلديها .. خليكى نسخة منها .
**********************************
خامسا :الولد بيحب البنت الدلوعة
ادلعى ياختى انت و هى . ما تبقوش دكر
**********************************
سادسا : الولد بيحب البنت الجذابه اللى بتكون محور اهتمام الآخرين
فهميه ان في آخرين كتير معجبين بيكى و قولى له : ارجوك اوعى تغير انا حواليا كتير . ولا بيهمنى أبدا منهم ايه يعنى اكون حلوة فى عينهم . ألفى قصص وهمية عن الأولاد الهيمانين فيكى و اللى انتى مدوخاهم بسحرك و جمالك .
**********************************
سابعا : الولد بيحب البنت اللى بتحسسه برجولته و تحسسه بنفسه
ايه ده ! .. ايه العضلات دى كلها .. دى احلى عضلات شفتها فى حياتى .. يا سلام !! ايه الشياكة دى كلها . انت أشيك ولد شفته فى حياتى ..(مش مهم هو لابس ايه . انبهرى و خلاص ) . يا سلام !! انت تقاطيع وشك حلوه بشكل ( حتى لو كانت ملخبطه ) و طول مانتى قاعده اشكرى فيه خليه كده قاعد نافش ريشه . و فرحان بنفسه .بس اوعى لما ينفش ريشه يجى له انفلونزا الطيور و يعديكى
**********************************
ثامنا : اتمحكى فيه ( الزقي له )خليكى دايما معاه
كل شويه كلميه فى التليفون بأى حجة . قابليه فى كل حته يروحها . إعملى عليه كماشة . بحيث مايعرفش يفلفص منك و لا يشوفش غيرك ادامه .
**********************************
النتيجة :
لو الولد وقع فى دباديبك و قال عاوز يرتبط بيكى : اوعى تقولى ايوه ! لااااا .. اتقلى شوية . اعملى نفسك يتفكرى .. سهريه .. لوعيه .. بهدليه .. لكن ماتتقليش العيار ليطير منك .


لو الولد ما سألش فيك و لا عبرك . و لا أخد باله منك أصلا
يبقى بنت تانيه سبقتك ليه .
ملحوظة : كررى الخطوات من 1 - 8 مع ولد تانى بعد جمع معلومات و عمل تحريات عنه و التأكد من انه فاضى . غير مرتبط .. و ربنا يوفقك



جربى ومش هتندمى وماتنسيش تدعيلى

....................
هنتظر الردود

بالنسبه ليا انا لو بنت عملت كل اللى قولتى عليه دا اكيييييييييييييييييييييد ولا هسأل فيها ولا هعبرها

انا مش قولت اى ولد هيدخل هنا هعورة وبعدين اكيد يعنى هيتقال عليها لزقة وحاجات تانية كتير

ههههههههههههههههههه لزقه ماشى ي دودى بس انا كنت حابب اقول رأيى مش اكتر

بقولك اية يادودى ماهما البنت خبت حقيقتها فى الاخر هتتعرف ok شكلك مش مجربة انتى فى اولى حب سلالالالالالالالالالام

ههههههههههههههههة
وشكرا يادودى على موضوعك

شكل الموضوع مش حيرد عليه غير الولاد ههههههههههههههههه شكل دودى حتعمل جريمه فى المنتدى ههههههه

ميرسي يا دودوي يا عسل علي الموضوع المهم ده خصوصا للبنات، لكن انا من رأيي الشخصي ووجهة نظري ان البنت متعملش اي حاجه عشان تلفت نظر الشاب او تثير اعجابه بيها او تخليه يحبها لان الحب ده لازم يكون من قلبه يعني هو اللي يتحرك مش البنت اللي تحرك العاطفه جواه، لكن بعد الجواز المفروض البنت تعمل البدع عشان تحافظ علي حب جوزها ليها سواء بقي ترفع صوتها او تضرب شعرها في الخلاط... نصيحتي لكل البنات بلاش تصطنعوا الرقه والدلال خليكي صادقة وصريحه واللي يرضي ربنا هو اللي هيكون لكن لو عايزه تتغيري يبقي تتغيري عشان نفسك قبل ما تتغيري عشان حد تاني... رحاب

الكلام دة مش صح
وعلى مسئوليتى

اولا احب ارحب بصديقى الانتيم احمد منور المنتدى ياريس وانا معاك يا سكر كله الكلام ده مش صح لان الكلام ده بقى موضه قديمه اووووووووووووووووى ..................... meteeb

ما كلو ولاد اهو هما الى بيردو على الموضوع امال هتعوريهم فين

ممكن يا كوكى لسانك فى بوئك وتعود ساكت

ههههههههههههههة

كل سنة وانتا طييب

ولله
وانت طيب يا مندو افندى

دودى مرسى على الموضوع بس من وجه نظرى الولاد مش عايزة كده الولد عايز البنت اللى بتتقل وغير كده لو البنت وثقه من نفسها فهيا مش محتاجه تعمل حاجه عشان تلفت نظرة ليها هو اللى يجلها لحد عندها

ممكن تكون وجهة نظرك صح يا ميرو
بس من وجهة نظرى انا لا بتبقى كلام ولا افعال ابداااااااا بتيجى لوحدها ممكن طول العشرة ما بين اتنين ممكن الشخصية حاجات كتير
انما لو عملت حاجة هتحببة فى الحاجة اللى هى شديتة ليها بيها ويارب تكون وصلت وجهة نظرى

انا رائى ان البنت لا تتقل ولا تعمل الحركات القديمه دى خالص وعلى فكره كلام رحاب كله صح المكتوب على الجيبين لازم تشوف العين وده فى الاول والاخر قسمه ونصيب وشكرا لموضوعك يا دودى