الله هدانا وانتصرنـا بعـد حيـن
وحبل الخطا ياجب على الناس طيه
شايف علام النصر فوق المياديـن
والجيش به فرحه وبـه روح حيـه
واطلب من اللي يرسل الما من الغيم
يحمينـا الزعيـم مـن كـل سيـه
اول شربنـا مـر سبعـه وستيـن
يوم الخـوي بنـدرج فـي خويـه
ومنها وقفنا فـي ثلاثـه وسبعيـن
الوقفـه اللـي كـل يسمـع بهيـه
وصرنا نكاونهم نهـارات وسنيـن
لما خذينـا الحـق وفوقـه شويـه
وهضاب سيتاء يشهـدن للمعـادي
ويشهد لنا ( برليف ) في هدم ثيـه
ولانسيت القدس وباقـي فلسطيـن
وطابا وشرم الشيـخ راس اللويـه
واللي علينـا فضلهـم عسكرييـن
اولاد يسـف وحربهـم سـم حيـه
يوم المعارك تشوفهـم كالشواهيـن
الخمستيـن يكاونـوا خمـس ميـه
واللي جعلنا نقسـم الحـق قسميـن
شر الحروب وشر سفـك الدميـه
وحنا فتحنا البوم للزيـن والشيـن
أخير من اللي طمعته فـي خويـه
في جلسة الخرطوم مافاد ياحسيـن
رد النواقص هي أسـاس القضيـه
وجبال سينا شفتهـن يـوم يبديـن
وعليهن من زين التواصيف غيـه
الله رزقها المن والزيـت والتيـن
واللي ربها فـي ارضهـا واهنيـه
وانـا سنانـي والقبيلـه ترابـيـن
سكانـت الجنـوب وادي عطـيـه
6/10/2008, 5:53 pm
