اذا كنتي ترغبين في ان تكوني حبوبه اوي وكل الشباب تجري وراكي
طبعا يجروا وراكي علشان يحبوكي مش علشان انتي سرقتي منهم حاجه
اتبعي الخطوات التاليه
اولا الشباب بتحب البنت الرقيقه
يعني تتكلمي بصوت رقيق ولو شوفتي اي حشره صوتي بس صوتي بحنيه
فاهماني طبعا يعني بلاش تصوتي وكانك في المقابر
وكل ما يقولك حاجه عيطي علشان العياط بيدل علي الاحساس
يعني من الاخر نكدي عليه
ثانيا الشباب بيحب البنت الرومانسيه
يعني لما تتكلمي معاه بصي في عيونه
يكلمك عن شغله اللي سابه كلميه عن القمر
يكلمك عن ظروف الحياه كلميه عن الورد وطبعا الصوت يبقي واطي
حاسيسيه ان هو اطرش
ثالثا الشباب بتحب البنت المؤدبه
يعني قوليله انت اول واحد اعرفه
حتي لو كنتي متجوزه وحامل في توام عادي خالص ولا يهمك
ولو سالك ايه الانتفاخ دي قوليله دي كيس دهني
رابعا الشباب بتحب البنت style
اي حاجه موضه تطلع نفذيها علي طول
يعني لو الموضه الشعر الاصفر صفريه
ولو احمر حمريه واوعي يتحرق منك
ولو الشعر القصير موضه احلقي شعر علي الزيرو
خامسا الشباب بتحب البنت الدلوعه
يعني ادلعي يا اختي ومش تبقي دكر ماشي جانبه
سادسا الشباب بتحب البنت اللي تحسسه برجولته
يعني كل شويه تقوليله ايه كل العضلات دي
ولو حصل واتخانق وانضرب قوليله انا شوفتك وانت بتموت الناس
وكنت هايل وانت بتضرب
جربي وهتشوفي النتيجه وابقي ادعيلي