الاحساس بعيد الحب!! هابي فلانتين

عيد الحب
كل سنة واعضاء المنتدي طيبين وبيعشوا احلي قصص الحب،، طبعا مينفعش يكون النهارده عيد الحب ومنتكلمش عنه لان الحب شئ اساسي مرتبط بالحياة ومش شرط يكون الحب ده بين " ولد+بنت " لا ممكن يكون بين الاخوات وممكن يكون بين الاصدقاء او الاسره كلها او الجيران وحالات كتييير اوي من هذا النوع
طبعا اللي يقول انا محبتش قبل كده يبقي كداب،، لان اولي مراحل الحب هي الاعجاب،، مفيش بنت تحاول تقنعني ان ولا ولد لفت نظرها قبل كده ولا ولد يقول ان مفيش ولا بنت ما لفتتش نظره... خليك صريح مع نفسك وانت بتقرا كلامي ده لاني مش بطلب منك اكتر من كده
طبعا كل المخلوقات والكائنات الحية يعرفوا معني الحب الجميل وابسط شكل منها هو "الامومه" طبعا عاطفة الامومه دي اعظم عاطفه علي وجه الارض،، بما اننا بنتكلم عن جميع المخلوقات والكائنات الحية فالانسان كائن حي يتمتع بالعقل والقلبــ تعالوا نحط مليون خط تحت كلمة قلب لانه هو المسئول عن العاطفة والاحساس والحب،، بس للاسف الانسان اتغير ومفهوم الحب مبقاش موجود زي زمان او بقي مرتبط بشئ مخجل حقير وهو الجنس،، بس ده عند بعض الناس مش كلهم
طبعا المنتدي كله مراهقين،، وكلنا هنا في سن المراهقه،، والمراهق حياته منصبه علي الحب والاحساس بالاخرين،، عشان كده هتقدروا تفهموا كلامي،، بس للاسف في ناس بتقول ان حب المراهقه ليس دائم والمراهق هيجي عليه يوم ويضحك علي ما كان يفعله من قبل،، بس انا مش قادره اقتنع بهذه الفكره
اكيد في ناس منا عملت علاقة حب قبل كده واتنين وتلاته،، مش عيب انك تبدأ حياتك من تاني وتعيش اجمل قصص الحب لكن العيب والغلط انك تكون بتضحك علي نفسك وتخدع قلبك،، يعني تكون لسه بتحب حبيبك اللي راح وتبدأ في قصة حب جديده لانك كده بتظلم نفسك وبتظلم الشخص اللي بيحبك حاليا
لازم نتكلم عن الدباديب النهارده طبعا لانها رمز لعيد الحب وخاصة الدباديب الحمرا والبمبي او الروز،، اكيد في ناس تبادلت الدباديب والهدايا دي قبل كده وطبعا فيه ناس مجربتش الموضوع ده
في ظاهره حلوه اوي ان الناس في يوم عيد الحب بتلبس احمر ويبقي عندهم الحصبه بس انا عن نفسي معجبة بالظاهره دي وبأيدها وبلبس احمر في اليوم ده لان بجد نفسي يبقي عيد قومي للدوله و الزي فيه يبقي موحد ولون واحد هو اللون الاحمر... مفيش حد ميحبش اللون الاحمر لانه اولا موجود ضمن الوان علم مصر ثانيا لانه لون فريق الاهلي ثالثا لان محبي اللون الاحمر يتمتعوا بالنشاط والحيويه والتجديد و دي صفة جميله اوي من صفات الانسان
طبعا مكان اللقاء في يوم عيد الحب ممكن يكون حديقه او سينيما او البحر او النيل او اي مكان المهم يكونوا مع بعض،، بس انا اعتقد ان كل اتنين بيحبوا بعض بيكون ليهم مكان معين بيجتمعوا فيه وبيشهد علي ذكريات حبهم،، زي الشاعر ابراهيم ناجي كان يلتقي مع محبوبته عند صخره وهي "صخرة الملتقي" والتي الف لها ديوان شعر بعنوان ( صخرة الملتقي )
سألتك يا صخرة الملتقي متي يجمع الدهر ما فرقا؟؟
عنصر الزمان في عيد الحب: كلنا عارفين ان "الاوقات الحلوه بتعدي بسرعه" وكل اتنين بيحبوا بعض بيتمنوا ان الوقت والزمن يقف وهما مع بعض بس للاسف الساعات دي بتكون معدوده،، بس بتبقي لحظة صعبه لما الساعه تدق بالوقت المحدد للرحيل
كل انسان حر في انه يعبر عن الحب بطريقته،، وهناك فروق فردية بين البشر وكل واحد بيستخدم الطريقه التي تدل علي شخصيته،، فما اجمل الرومانسيه!! وما اجمل الحب!! وما اجمل هذه اللحظات!!
لكن الحياة لا تسير علي وتيره واحده،، وفي بعض الناس حبها لا يكتمل،، لاننا نعلم جميعا ان الحب الصادق ينتهي بالزواج امام الله وامام الناس،، فهناك من يفارق حبيبه قبل ان يأتي الشئ المكمل لهذا الحب "الزواج"،، فاذا كنت واحد ممن فارق حبيبه فلا تحزن لانه ترك لك الذكريات "صورة - جمله - كارت - هدية - كلمة - واضعف الامور هي ان صوت حبيبك مازال يتردد في اذنك" اما اذا كنت لا تحبه الان ونسيته فلا تحزن ايضا لان قدرك سوف يصل بك الي محبوب جديد تفرح به ويفرح بك وتعيش معه اجمل لحظات العمر من تاني وتصلح اخطائك التي فعلتها من قبل وكانت سببا في انك فارقت حبيبك الاول
بالنسبه للاغاني اللي كل الحبيبه بيسمعوها في عيد الحب والافلام اللي كلنا بنتفرج عليها منها طبعا : حب البنات، الحب الاول، حبيبي دائما، الوسادة الخاليه وغيرها من الافلام الجميله .. اما بالنسبه للاغاني فطبعا كل اغاني عمرو وفؤاد وتامر حسني واليسا وشيرين ونوال الزغبي وباقة من اجمل الاغاني "اغاني احلي عيد عيد الحب"
اتمني يكون الموضوع عجبكم يا اصدقائي وبجد هو من واقع تفكيري ومش منقول ولا في خيره مسبقه اقتبست منها،، وياريت تكونوا لبستوا احمر النهارده وتبادلتم الهدايا وسمعتوا احلي اغاني عيد الحب وشوفته الحبيب واسترجعتم الذكريات من تاني وربنا يوفقكم جميعا وكل قصص الحب تنتهي بسعاده والهدف المنشود المرغوب الا وهو الزواج،، وياريت كل واحد فينا يراعي ربنا مع الشخص اللي بيحبه ويراعي ضميره لان "دان تدان" وكله "سلف و دين"...... رحاب
اتمني اشوف ردود كل اعضاء المنتدي النهارده.... اوعي حد يتأخر

اولا ميرسى ياقمر على الموضوع بعد كدا هابى فلانتين لكل الاعضاء بعد كدا انا بحب يوم الفلانتين اووووووووووووووى وبجد احب اقول لحبيبى انى بحبة مووووووووووووووووووووووووووووووت واللة بجد وربنا يخليك ليا يا......................؟؟؟

اولا ميرسى ياقمر على الموضوع بعد كدا هابى فلانتين لكل الاعضاء بعد كدا انا بحب يوم الفلانتين اووووووووووووووى وبجد احب اقول لحبيبى انى بحبة مووووووووووووووووووووووووووووووت واللة بجد وربنا يخليك ليا يا......................؟؟؟

يا رحاب يا جااااااااااااااااامده والله الموضوع حلو اوي والحب ده احساس جميل من غيره الحياه متبقاش حلوه وبالنسبه للون الاحمر هههههههههههه ا نا بعشق اللون ده والدليل علي كده انا وانتي انهاردة كنا لابسين احمرهههههههههههههههههه وانا بقول لكل الاعضاء happy valentin,s day

مجهودك رااااااااااااااااااااااااااااااااائع يا رحاب بس انا النهاردة مكنتش اعرف ان النهاردة عيد الحب غير لما قلتيلي وبعدين مش شايفة ناس كتير لابسة احمر
هوا العيد ماله السنة دي ؟ هههههههههههههه

هو دا الكلام الجااااااااااااااااااامد بجد هاااااااااايل يا رحاب وبجد الحب احلى واجمل حاجه فى الدنيا كلها من غيره منقدرش نعيش وربنا يجعل كل ايامنا حب وسعاده يارب دايما و happy valentine day لكل اعضاء المنتدى

ميرسي يا جماعه ع الردود وانا واثقه ان الموضوع عجبكم وبجد الفلانتين كان جميل اوي وفعلا من ضمن الافلام اللي انا شوفتها "الحب الاول- الوساده الخاليه" وكانت افلام جميله بجد،، ربنا يجعل ايامنا كلها حب في الحب .... رحاب

موضوع جامد جدا يا رحاب. بس انا كنت عايز اعلق علي حاجه اللي هي"اما اذا كنت لا تحبه الان ونسيته فلا تحزن " لان معتقدش ان في حد بيحب حد وينساه حتي لو حب بعد كده حد غيره

يعني مثلا لو كان في واحد بيحب حد واختلفوا وقرر انه ينساه وبعد كده حب حد تاني واتجوزا....وفي مره معدي ف الشارع او في اي حته كده ولاقاه وعينهم جت في عين بعض...في اللحظه دي الذكريات كلها بتتجمع في ذهنهم هما الاتنين مره وحده وفي لحظه واحده وان كانت وجيزه

بيقي اسمجيلي ان المعني يكون"اما اذا كنت لا تحبه الان وتناسيته...او اجبرك الزمن علي النسيان فلا تحزن

وشكرا ليكي موه تانيه عالموضوع الجميل ده

اكتر حاجه بتعجبني فيك يا لفر انك ساعات بتعرف تقنعني بوجهة نظرك،، بس انت معاك حق في تعليقك لكن يمكن تكون انت فهمت قصدي غلط او انا اللي مقدرتش اوصلك اللي انا عايزه اقوله،، انا اقصد انك كنت بتحب شخص وهو عمل افعال تخليك تكرهه وتصر علي تركه للابد والانسان بطبيعته مش بيحب يتذكر الاشياء المؤلمه في حياته وبالتالي بتنسي ان عرفت الشخص ده ولو حصلت وشوفته بتندم ع اللحظة اللي عرفته فيها.... شكرا ليك ع المتابعه