حتي أبليس زهق و ناوي يطفش من عمايل الحكومة

علي باب سفارة كندا ..

لمحت إبليس وف إيده إستمارة ..

بقول له علي فين ..

قاللي بص ..

يا هجرة يا إعارة ..

يا عم زهقت كفرت ..

ألاقيش معاك سيجارة ..

أنا انتهيت خلاص ..

لا نافع وسواس ولا خناس ..

ولا ليا عيش وسط الناس ..

دي عالم مجرمين ..

عندكو فائض ف الفساد

في كل البلاد ..

ومش محتاجين شياطين ..

مليش عيش ف البلد دي

بقالي سنين عاطل ..

وانتو بتعرفوا

تقلبوا الحق باطل ..

وتمشوا ف جنازة القتيل ..

وتسلكوا القاتل ..

ومفيش مشاكل ..

ياعم ده أنا بقيت أوسوس بالمقلوب ..

وأقول للحرامي كفاية بقي ..

إنت مش هاتوب ..

يعني إنت هاتعمل كل الذنوب لوحدك ..

وأنا إبليس ..

أشتغل واعظ

ولا كمساري ف أتوبيس ..

ياعم ده أنا زمان ..

كنت أستني حد ينسي يسمي

وهو بياكل لقمته ..

دلوقتي كل أكلكم ملوث

وبصراحة الواحد خايف علي صحته ..

ده مفيش ضمير أساسا ..

عشان أموته ..

وكل واحد بمزاجه ..

خربانه ذمته ..

يا راجل ده من كتر ما لطشت معايا ..

خرجت ف مظاهرة ..

مع الناس اللي بتقول كفايه ..

وبرضة مفيش فايدة ..

هههههههههههههههههههههههههه والله ابليس ده بيقول كلام زي الفل وسوبر عليك يا ميدو .... رحاب

تمام ..تمام...تمام..
والله سوبر عالموضوع ده
بس احلى حاجه ان ابليس ده في برده ماقلش غير الكلمه اللي قالها سعد زغلول في ثورة 1919
مفـــــــيــــــــش فايــــــــــــده

علفكره الموضوع جامد اخر حاجه Very Happy

يا ميدو يا سوبر

والله الموضوع دة جامد طحن

هههههههههههههههه الموضوع جامد والله ابليس اتخنق امال احنا ايه ربنا معانا وتسلم ايدك يااميدو

ههههههههههههههههههههههههههههههههههههههههههههههههههههههههههههههه
والله فعلا زى السكر موضوعك هايل ويموت من الضحك
بس انت متاكد انة كان ابليس