اتعلمت ايه من الحياه؟

موضوعك جميل يا لوما ويستاهل احلي كلمة شكر بس مش من بتاعت تامر عاشور هههههههههههههههههههههههههه
اتعلمت اني اكون قليلة الكلام لان الانسان اللي بيتكلم كتير بيغلط كتير وان كان الكلام من فضة فان السكوت من ذهب،، اتعلمت ان اللي يبيعني ابيعه و زي ما بيقولوا اللي ميحطكش كحل في عينه متلبسوش جزمه في رجلك،، اتعلمت اقف مع المظلوم لان الاحساس بالظلم وحش اوي،، اتعلمت اعمل الخير و ارميه البحر ومستناش من حد حاجه،، اتعلمت اني متعشمش في حد واقطع حاجه اسمها العشم ده اصلا لاني لما بتعشم في حد بيخذلني،،اتعلمت احب الناس ومستناش حد يحبني......رحاب

لوما الموضوع رائع بس انا اتعلمت من الحياه انى مرميش كل عواطفى يعنى اافكر بعقلى حبه واتعلمت انى اكون فى حالى مدخلش فى الى ميخصنيش عشان معرضش نفسى لاى موقف ملهوش لازمه اتعلمت لمااالاقى حاجه فيها كلام كتير انسحب من الموضوع اصلا وانتى فهمه ااقصد ايه طبعا حاجه اخيره وكلكم عرفنها عنى انى لو على حق مسكتش واجيب حقى وكمان مبقاش على حد هو مبقا ش عليا بس مش بقله اصل يعنى ساعت ماايحتجلى هيلاقينى جنبه

الموضوع جميل جدا
بس رد رحاب وميرو مؤثر (مؤثر جدا)
رحاب تحسى من كلامها انها بايعة الحياة وبايعة القضية زى ما بيقولو واخداها بالدراع
اما ميرو تحسى انها من الناس اللى بيحبو الانسحاب ومبيقدروش على المواجهة وبتخاف من التجارب وعلى فكرة يا ميرو العقل والوجدان (العاطفة) مبيتفقوش مع بعض ابدا زى ما خدناها فى الفلسفة فيا تفكرى بعقلك يا اما بقلبك وانا افضل عقلك فى كل شئ !!!!!!!!!! وقلبك فى الحب وبسسسسسسسسس
وانا اتعلمت من الحياة حاجات كتير اوى مش هقدر اقولهالكو كلها لانى عندى 22 سنة كنت بتعلم منها كل سنة من بداية ما وعيت على الحياة
بس اهمهم؟
مضعفش قدام اى حد وخاصة الصنف الاخر ........ مقفش قدام حد معندوش حاجة يخسرها .......... معرفش اى مخلوق اية اللى بيدور جوة دماغى لانة لو عرف اللى جوة دماغى هيفهمنى ولو فهمنى مش هيلاقى منى جديد لانة هيتوقع كل حاجة قبل ما تحصل.......

انا اتعلمت ان الدنيا دى سلعة .. فى منها الغالى ومنها الرخيص .. الغالى لازم تسعى عشان تحصل عليه .. والرخيص لازم تسعى عشان تمحيه .... والناس محتاجة الى يقف معاهم والوحش فيهم قبل الحلو ..ز واكيد الكل عارف ان احنا فى بلدنا الكويس قليل اوووى .... بس بجد الدرس الى اتعلمته من الدنيا .. انها حاجة تافهة اوى ومجرد طريق طويل شوية عشان نوصل لربنا ورضاه