تعالي معايا نفتكر ايام زمان

شكرا على موضوعك ياسلمى بس لما افتكر ابقا اقولك
هههههههههههههههههههههههههههههههههههههههههههههههههة

ههههههههههههههههههههههه
معقول مش فاكر انت اصغر مننا يعني المفروض تبقي فاكر كنت بتعمل ايه وانت صغير
عموما هو باين ان الموضوع مش عجبك
لان محدش بينسي هو كان بيعمل ايه زمان

انا عن نفسي اتذكر حلقات بوجي وطمطم اللي كانت بتيجي في رمضان، وكمان السندباد البحري اللي كانت بتقدمه مدام ساميه الاتربي، ده غير طبعا برنامج حكاوي القهاوي ههههههههههههههههههههه
اما عن الالعاب كنت بلعب بالبوكيمون اللي كان بيطلع في الكاراتيه وكنت بلعب سيجا مع ولاد خالتي وكنت بلعب بلاك شوز مع اصحابي في الابتدائي وكان عندنا اتاري خربان من قديم الزمان كان بيتركب علي التليفزيون وله دراعين كده
وايام الحضانه كنت بلعب الكراسي الموسيقيه وكنت بلعب مع ماما السلم والتعبان وكنت بغلبها لكن بابا كان واد حريف دايما يغلبني بس كنت بضربه لما يكسب هههههههههههههههههههههههه
كنت دايما بغني في الحضانه والميس تصقفلي 1 2 3 كاروريت كاروريته انت تنط نطه وانا انط نطه حلوه اللعبه دي انت فار وانا قطه هههههههههههههههههههههههههههههههههههه

يا سلام علي مرحلة الطفولة انا بعترف انها كانت احلي مرحلة في حياتي كلها لعب وفرفشة مش اللي الواحد فيه دلوقتي وكله فاهم طبعا.......المهم
انا بقه كنت بتفرج علي طبعا الرزليين توم وجيري (مستفز اوي لما بشوفه دلوقتي)نكمل
وسلاحف النينجا وبكار (غلس) وبندق وعم دهب وميكي والسندباد البحري ده كان اساسي والفيلم المعروف بور رينجرز ورحاب فكرتني ببوجي وطمطم كان مشكلة واحلي واحد فيهم عم كشكش او شكشك (مش فاكرة) والبنت الصغيرة (طماطم) ده اللي فاكراه ...........نيجي للعب واسكتوا يا شباب لما بفتكر اللي كنت بعمله بتحرج يمكن ساعات دلوقتي بتحرج ادخل البلكونة .......اسالوني ليه ؟
عقدتي كنت اجيب العرايس كلها اللي عندي وارصهم علي الشباك واجيب عصايا وامثل دور المدرسة وكان عندي عروسة لابسة نضارة اخدها والبسها وكنت بقول يارب البس نضارة وتحققت الامنية الحمد لله ..ههههههههه..وطبعا دلوقتي بقه لما كبرت وجراني وخاصا الشباب كبروا بقيت بتحرج اطلع البلكونة ....... وطبعا لعب البنات يعرفوها طقم المطبخ واوضة النوم وادوات الدكتور وكنت بلعب الاستغماية والكهربا وامنا الغولة والكوتشينة والدومينوز وبنك الحظ ده فظيع وطبعا اللعب بالاتاري (علاء الدين وماريو ) وفي المدرسة كانت الرملة كتيرة قوي فكنت بحفر ومرة طلعت ميا ازاي متسالنيش وفي البحر طبعا لازم كنت انا واخويا لما نروح نعمل النفق ..وانا دلوقتي فرحانة جدا لاني لقيت صديق ليا من ايام الطفولة في الكلية قضيت معاه ابتدائي وسبنا بعض في اعدادي وثانوي والصدمة بقه لما شفته في الكلية لسه في عيني واحنا اطفال .........معلش يا شباب طولت عليكم بس بجد يا لومة شكرا ليكي كتير علي طرحك للموضوع والكلام في الطفولة مش حيخلص

بجد الموضوع جامد اكتر حاجه فكراها من زمان كنت بلعب مريو فى الاتارى وكمان كان راجل كده ماسك زى سبت وبيجمع البيض والحرامى اللى كان بيركب الاسانسير هههههههههههههههههههه ولو بلعب بقى كنت بلعب اب وام مع ولاد الجران وسيجه طبعا وشبر شبرين وكنت يااستى بسمع اغانى بولا بولا عرفنها اكيد والبنت زى الولد يااااااااه بجد حاجات جميله يااريت الواحد يرجع صغير تانى وشكرا ياالوما