الدنيا طريق !!! اه هى بجد طريق

هقلوكوا مثال بسيط اوى ومفهوم اوى بالنسبة للدنيا وحياتنا الى احنا عايشنها

وانت مسافر مصيف مثلا . مش بتمشى على طريق السفر وبيقابلك حجات كتير
نوضح اكتر
وانت ماشى مش ممكن تلاقى حادثة
وانت ماشى مش ممكن انت لقدر الله تعمل حادثة
وانت ماشى مش بتلاقى عربية بتعجبك
وانت ماشى مش بتلاقى محطة بنزين
وانت ماشى مش بتلاقى جامع
وانت ماشى مش بتلاقى ريست
وانت ماشى مش سعات بتشوف اراضى خضراء وسماء صافية
وانت ماشى مش بتشوف دخان وغازات كتير طالعة من عربيات
وانت ماشى مش بتشوف موقف غريب بتستغرب منه
وانت ماشى مش ممكن تعطل عربيتك فى اى وقت
وانت ماشى مش ممكن تعطل عربية غيرك .. وتنزل تساعده .. وغيرك لا
وانت ماشى مش ممكن تشوف بنت حلوة تعجبك
وانت ماشى مش ممكن تتعلم وتستفاد من حاجة حصلت .. وتبقى درس ليك طول عمرك
وانت ماشى مش ممكن يقابلك مطبات وحفر
وانت ماشى مش ممكن يقابلك اشارة مرور وتتعطل
وانت ماشى مش ممكن يقابلك حاجة تشغلك عن الطريق
واخيرا وبعد الشر عن الكل مش ممكن تموت

طيب مش فى عربيات كتير ماشيين فى نفس الطريق
طيب تفتكر الكل رايح نفس المكان
تفتكر الكل عارف هدفه فين .. ولا مسافر لمجرد السفر
والمكان الى انت مسافر ليه . مش انت رايحه لهدف معين
ونفس المكان الى انت رايحه مش ممكن غيرك يكون رايحه .. بس لهدف تانى

وهو دة الطريق
يبقى نقدر نقول ان الدنيا طريق؟؟
اه نقدر
اقولك ليه

الحادثة الى بتحصل لغيرك .. دى مصايب وبلاوى وتعب الى حواليك وسعات مش هتقدر تساعده
الحادثة الى بتحصلك انت .. دى مشاكلك انت وابتلاء من عند ربنا
العربية الى بتعجبك .. دى الكمليات زى الموبايلات والعربيات والشقق والحجات دى
محطة البنزين .. دى المحطة الى فى حياتك الى من طريقها بتعرف حجات اكتر عن دينك ومبادئه
الجامع .. ودة سبب وجودك فى الدنيا .. عشان تدخله وتعبد ربنا وتصليله
الريست .. ودة المكان الى بترتاح فيه او الشخص الى بترتاح معاه
والاراضى والسماء .. ودى طبيعة من عند ربنا لازم نحافظ عليها
والدخان والغازات .. ودى الحجات الى بتتعبك فى الدنيا .. وبتجبلك مشاكل غصب عنك
الموقف الغريب .. زى استغرابك من واحد بيفكر بطريقة غريبة او مش نفس تفكيرك
وتعطل عربيتك .. ودة بيبقى اختبار صغير مؤقت من عند ربنا
والبنت الحلوة .. هى الى بتلهيك عن دينك وايمانك وتشغلك بتفاهات
والدرس الى هتتعلمه .. بيبقى اى درس اتعلمته فى حياتك وأثر بجد فيك
والمطبات والحفر .. ودى الناس السوء الى بيدفعوك للشر
واشارة المرور .. هو من عند ربنا سبحانه وتعالى .. لو انت ماشى فى طريق غلط او هتبقى سبب حوادث وبيوقفك ويلهيك
واخيرا الموت والكل عارف

انا بس عايزة اقول حاجة وبجد خاصة للشباب .. يا شباب مفيش حد بيتولد وحش
احنا كلنا بنتولد اطفال يعنى ملايكة
خلى ايمانك بربنا كبير ومتتغيرش للأسوأ
وخليك دايما مع ربنا

وزى ما انتوا شوفتوا الدنيا طريق .. ولهدف واحد هو الوصول لربنا
وزى ما قلنا الكل مش هيروح نفس المكان

اكيد الكل فهمنى وبجد يا رب يا رب يا رب نستفاد كلنا
وربنا معاكوا كلكوا