ليكوا ولحياتكوا بجد .. ومهم اوى اوى اوى

بصوا يا جماعة انا كنت قريت الموضوع دة قبل كدة فى حتة .. بس مش فكرة فين وعشان كدة هكتبها باسلوبى ويا رب تعجبكوا ..وهى قصة بسيطة .. وهحكيها ليكوا

المدرس قاعد مع الطلاب بتوعه
وقدامه زجاجة .. فتح الزجاجة وحط فيها كور صغيرة
وسألهم قالهم الزجاجة دى مليانة .. ردو عليه قالوله لا
شوية وحط شوية زلط .. وسألهم تانى الزجاجة دى مليانة
ردو قاله لا
بعديها حط رمل كتير .. فالرمل سد كل الفتحات الى موجودة
وسألهم الزجاجة كدة مليانة قالوله اه

قالهم الحياة اليومية والدنيا بتاعة كل واحد زى الزجاجة دى
والكور دى هى الحجات الاساسية الى فى حياتك زى دينك وايمانك بربنا واقامة فروضه وتنفيذ اوامره والسعى والعمل

والزلط عبارة عن الكمليات الى فى حياتك زى عربيتك .. فلوسك الكتير موبايلك .. الحجات الى بتشتريها بتتسلى بيها

والرمل عبارة عن الحجات التافهة الى فى حياتنا .. زى انشغالنا بالدنيا الى على طول بتخدع صاحبها بشهوتها وكل حاجة حلوة فيها والى بتعارض مع امر ربنا

عشان كدة يا جماعة كل واحد فينا مينفع يملى حياته كلها بالرمل .. عشان انت لو حطيت اول حاجة الرمل او الزلط الزجاجة هتتملى . وبجد مش هتلاقى مكان للكور

يا رب تكونوا فهمتونى بجد
وكلنا نستفيد

الكلام كله صح
و التشبيه جميل جدا و قريب من الحقيقه
و انا عن نفسى فمتهه
و شكرا جدا على الموضوع و على المجهود

ميرسى يا ميدو على الرد
والحمدلله انك استفدت