بقا دا جزاتنا؟؟

لية دموعنا دايما فى عنينا لية محدش بيمسح دموعنا الا ايدينا ولاحبيب ولاصديق ولاقريب بيمسح دمعتنا دموع بتنزل ومحدش حاسس بينا ومش عايزين نبين جرحنا لحد علشان منشيلوش همنا حاجات كتير اووى بقت بتحصل غريبة اووى حبيب بيعد عنك وانت مش عارف هو بيبعد لية وانت مش عارف هو بيعمل كدا لية وحبيب يتغير خالص وحبيب يقل خوفة على حبيبتة وميسالش فيها طب دا كل دا لية؟ علشان حبينا بجد ولاعلشان اية بجد حد يفهمنى فى ناس كتير عمالة تضيعنا من ايديها وناس بتبعد من غير حتى سبب يستاهل البعد طب دا جزات حبناا اللى بجد كل دا بيحصل فينا علشان مبنعرفش نتسلى بقلوب حد بس للاسف مبنعرفش ولاهنقدر بس فى ناس بتقدر فى حبيب بيشوف دموع حبيبة ومش بيهون علية حتى يقولة مالك ولااىا حاجة دا يتسمى اية بالظبط حد يفهمنى يمكن انا اكون فاهمة غلط ولاحاجة بس اللى انا فهمتوة ان معظم الناس بتبعد عننا علشان غلطة مننا كل دا علشان غلطتنا ماهو طبعا كل الناس بتغلط احنا مش ملايكة احنا بشر بس للاسف دموعنا بتنزل وقلوب بتصرخ من الجرح ومحدش حاسس بينا امتى بقا حبيب او صديق يحس بينا لما نموت يعنى ولا اية بالظبط؟؟

ميرسى على المتابعه بس هى دى الحقيقة اللى فى ناس كتيرة مخبياها

بجد الموضوع هايل جدا ياميمو ننتظر التالى

ميرسى ياجميل باذن اللة قريب جدا هجيب لكم اكتر

بجد موضوع جامد وانتي عندك حق لما بيكون عندنا مشاكل مش بنرضي نحكي لحد عشان منشيلهوش همنا او عشان ميبعدوش عننا بس صدقيني يا ميمو في لحظات فيها بنحتاج لاي حد عشان نحكيله ولو حد قريب منك اوي او بيحبك بجد سواء صديق او حبيب عمره ما حيبعد لكن لو بعد يبقي كان شخص بيخدعك كمان الصديق ليه دور مهم جدا في حياتنا واكيد الصديق الوفي هو اللي يفهمك من نظرة عينك انك زعلانه او مضايقه وهو اللي بيحس بيكي هو ده الصديق اللي يقدر يقف جانبك والكلام ده ينطبق علي الصديق او الحبيب بس صدقيني مش كل الناس زي بعضها في الكويس وفي الوحش اكيد في حياتنا بنقابل اصدقاء وفيين واصدقاء بننخدع فيهم ومن اول مشكله ليكي يبعدوا ودول مش بيكونوا اصدقاء دول مجرد ناس يعرفوكي لمصلحتهم

ميرسى يا سلمى رايك عجبنى بس هقولك حاجة الصديق بيقف جنب صديقة او صديقتة اكتر من الحبيب واللة لان فى صديق ممكن انتى تكونى مثلا عملتى حاجة زعلتوة مهما حصل بردوةا مش هيزعل منك ابدا ومش هيبعد عنك لا بيقرب وبيفهمك انة زعلان منك فى كذا وكذا وجه يقولك علشان بيحبك وبيعزك دى صفة جميلة اووى انما الحبيب لو زعلت ممكن يسيبك وميسالش فيكى عايشة او ميتة عاملة اية واية اخبارك ولااى حاجة انما الصديق او الصديقة بيسالوا عليكى وبيحبوكى وكل حاجة وقت شدتك بيبقوا سندك بجد وعمرهم ميزعلوا منك ماان المفروض الحبيب اللى يعمل كدا ولاعلشان زنبنا اننا حبينا بجد انا عارفة واللة زى مافى حلو فى وحش

اوكى ياميدو بس ممكن اخد رايكم فى حاجة هنعمل اية لما نكون فى شدة اووى وحبيبك ميسالش عليك من اساسة وصحبك او صحبتك اللى بيسالوا عليك

ممكن لية لا ميرسى على الرد والمتابعه بس هى دى الدنيا يوم يكون الحبيب خايف عليك ويعد كدا ميهموش حالك

اه طبعا واللة كلكم اخواتى وميرسى على المتابعه

عندك حق يا ميدو انا بردة معاك من ناحيه لو الحبيب بعد فده اصلا مكنش بيحبها اصلا كان مجرد تسليه بالنسبه له لكن لو بيحبها بجد فده بيكون الحبيب والصديق وكل حاجه لكن محدش يقدر يعيش من غير اصحاب زي ما للحبيب دور في حياتنا فللصديق كمان له دور وحاولي يا ميمو متثقيش في اي حد لازم الاول تعرفيه كويس عشان متتصدميش في الاخر

صح يا سلمى بس الصدمة بتبقى صعبة اوووى لما يكون حبيبك اللى كن اقرب قلبك ليكى وكان كل حاجة ليكى ودنيتك كلها تلاقيه بيبعد وانتى مش قادرة تقوليلوة انت بتبعد لية ولمايكون طريقة الكلام تتغير وخوفة عليكى قل عن الاول كتير اووووووووووووى هتعملى اية ساعتها

مش عارفه انا لو مكانك كنت حعمل ايه بس اكيد كنت حتكلم معاه واعرف ايه سبب بعده ونحاول نتكلم مع بعض بصراحه اكتر ونشوف مين الغلطان او نعرف ايه السبب بس لازم يكون كلامنا بصراجه ووضوح ولازم نحط النقط علي الحروف لان مش حنفضل كده كل يوم هو بيبعد اكتر وانا بقرب اكتر وكده حندخل في سكه سد

طب لما نعمل كدا وواجهنا بعض بكل صراحة لما تحسى بعديها باحساس غريب مش بايدك انك تحسية تحسى انة مش بيحبك اصلا دا يتسمى اية تصورى شعور البنت ساعتها هيبقى اية ومش بمزاجها انها تحس كدا كلامة وكل حاجة فية بتدل على كدا وقلة الخوف