ماهى اسباب معاكسات الشباب للبنات....

ما هى اسباب معاكسات الشباب للبنات


السلام عليكم ورحمه الله وبركاته

سؤال يطرح نفسه كل يوم
ليه الشباب معندهاش دم وكل شويه تعاكس البنات وتضايقهم فى الشارع
طيب يا ترى ما هى اسباب المعاكسه

1. تربيه الاهالى لاولادهم ليست سليمه
2. فتره طيش الشباب وتحديات الشباب لبعضهم على بنت معينه
3. البنات هى السبب فى المعاكسات لانها هى التى تتيح الفرصه للشباب ( اللبس - الشعر )

انا رأيى بصراحه ان البنات هى السبب لان لو اتكلمنا على تربيه الاهالى فيوجد شباب ليست على تربيه ولكنهم عندما يروا بنت محجبه ومحترمه جدا فى الشارع اكيد مش هايعكسوها والعكس صحيح لو شاب متربى تربيه صالحه جدا وشاف بنت مدلعه واللبس الضيق اكيد هايعاكسها

وفتره طيش الشباب نفس الكلام برضه لو شاف بنت محترمه مش هايقدر يقول اى كلمه

يبقى اكيد المشكله فى البنات وليست فى الشباب فما الحل لهذه المشكله
واللى يختلف معايا فى الرأى يا ريت يشاركنى الموضوع
drawGradient()

مع احترامي لرأيك يا كريم بس انا عندي رأي تاني ،، الولاد مش بيعاكسوا اللي لبسها ضيق وبس بالعكس دول بيعاكسوا المنقبات كمان وانا سمعت ان في القاهره كذا واحد التفوا حول امرأة منقبه وجردوها من ملابسها وخلوها عريانه تماما،، وموقف حصلي كنت ماشيه في الشارع مع خالتي المنقبه وبعدين راجل شافها وعينها باينه من النقاب وقالها عينيكي حلوة اوي لان احنا الحمدلله العائلة عندنا عيونها جميلة جدا،، يعني معني كلامي ان حتي المنتقبات بيتعاكسوا فالرجاله فعلا مبترحمش،، اما عن كلمة سن طيش فالكلام ده مش صحيح لان الرجاله بيوصلوا لحد التسعين سنه ويعاكسوا برضو يعني السن مش شرط.... اتمني تكون فهمت كلامي

اكيد فهمت وشكرا على ردك